ပါလ်မိုင်ရာရှိ ရှေးဟောင်းဘုရားကျောင်းအား ဖျက်ဆီးလိုက်သည့်ပုံများ အိုင်အက်စ်အဖွဲ့ထုတ်ပြန်

ဒမတ်စကတ်၊ သြဂုတ် ၂၆

ဆီးရီးယားရှေးဟောင်းမြို့တော် ပါလ်မိုင်ရာရှိ ရောမခေတ် ဘုရားကျောင်းတစ်ကျောင်းအား ဖျက်ဆီးပုံကို

ပြသနေသော ဓာတ်ပုံငါးပုံကို အိုင်အက်စ် စစ်သွေးကြွအုပ်စုက ထုတ်ပြန်ခဲ့သည်။

သြဂုတ် ၂၅  ရက်နေ့က ဖြန့်ဝေလိုက်သည့် အဆိုပါဓာတ်ပုံများတွင် အိုင်အက်စ် စစ်သွေးကြွများက

ဘယ်လ်ရှာမင်ဘုရားကျောင်းထဲသို့ ဖောက်ခွဲရေးပစ္စည်းများ ယူဆောင်ပြီး ဖောက်ခွဲခဲ့သည့်အတွက်

မီးခိုးများထွက်ပေါ်လာပြီး အုတ်ကျိုးအုတ်ပဲ့များ စုပုံသွားပုံကို ပြသသည်။

အေဒီ ပထမရာစုတွင် တည်ဆောက်ခဲ့သော အဆိုပါ ဘုရားကျောင်းမှာ ပါလ်မိုင်ရာရှိ အကောင်းမွန်ဆုံး

ထိန်းသိမ်းစောင့်ရှောင့်ထားသည့် ယဉ်ကျေးမှုအမွေအနှစ်များအနက် တစ်ခုအဖြစ် လူသိများသည်။

အိုင်အက်စ်အုပ်စုက ဘုရားကျောင်းကို ပြီးခဲ့သည့် သြဂုတ် ၂၃ ရက်နေ့က ဖျက်ဆီးခဲ့ခြင်းဖြစ်ကြောင်း

ဆီးရီးယားအစိုးရက ပြောကြားသည်။

အိုင်အက်စ်စစ်သွေးကြွများက ၎င်းတို့၏ အစွန်းရောက် ယူဆမှုကြောင့် အခြားယဉ်ကျေးမှုပစ္စည်း အများအပြားကို ဖြိုဖျက်ခဲ့ကြသည်။ နာမည်ကျော်ကြားသော ကမ္ဘာ့အမွေအနှစ် စာရင်းဝင် နေရာအား ဖျက်ဆီးခြင်းအားဖြင့်

၎င်းတို့၏ သြဇာအာဏာကို သရုပ်ဖော်ပြသရန် အိုင်အက်စ်စစ်သွေးကြွများက ကြိုးစားခြင်းဖြစ်သည်ဟု

ယုံကြည်ရသည်။ ၎င်းတို့က ပါလ်မိုင်ရာမြို့ရှိ ယဉ်ကျေးမှုပစ္စည်းများအား ထပ်မံဖျက်ဆီးပစ်မည်ကို

စိုးရိမ်ပူပန်မှုများ ကြီးထွားလျက်ရှိသည်။

Ref: NHK / The Mirror

MFM

ရုရှားက အီရန်သို့ S -300 ဒုံးကျည်စနစ် ရောင်းချမှု ပင်တဂွန် စိုးရိမ်ပူပန်

ဝါရှင်တန်၊ သြဂုတ် ၂၆

အီရန်နှင့် ရုရှားနှစ်နိုင်ငံအကြား ဒုံးကျည်စနစ်ရောင်းချရေး သဘောတူညီမှုအပေါ် စိုးရိမ်ပူပန်မှု ဖြစ်မိကြောင်း
အမေရိကန် ပင်တဂွန် စစ်ဌာနချုပ်က သြဂုတ် ၂၅ ရက်နေ့တွင်ပြောကြားသည်။

မိမိတို့အနေဖြင့် ကာလကြာမြင်စွာကတည်းကပင် စိုးရိမ်ပူပန်မိသည့် အတိုင်း S 300 အမျိုးအစား ဒုံးကျည်စနစ်ကို ရုရှားနိုင်ငံက အီရန်နိုင်ငံသို့ ရောင်းချပေးရန် စီစဉ်ထားကြောင်း ပင်တဂွန်စစ်ဌာနချုပ် ပြောရေးဆိုခွင့်ရှိသူ
ပီတာကွတ် က သတင်းစာရှင်းလင်းပွဲတွင် ပြောကြားသည်။ ယင်းသဘောတူညီမှုသည် အပြုသဘောဆောင်သော

 ဖြစ်ပေါ်တိုးတက်မှုအဖြစ် မိမိတို့ မရှုမြင်ကြောင်း ၎င်းက ပြောသည်။

S 300 အမျိုးအစား မြေပြင်မှ ဝေဟင်ပစ် ဒုံးကျည်စနစ်ကို ရုရှားထံမှ အီရန်ဝယ်ယူရန် သဘောတူညီချက်

ရရှိပြီဖြစ်ကြောင်း အီရန်ကာကွယ်ရေးဝန်ကြီး ဟူစိန်ဒဟန်က သြဂုတ် ၂၅ ရက်နေ့တွင် ထုတ်ပြန်ကြေညာခဲ့သည်။

ဒုံးကျည်စနစ်ရောင်းချရေး ကန်ထရိုက်စာချုပ်ကို ရေးသားပြီးဖြစ်ကြောင်း၊ အီရန်ကိုယ်စားလှယ်အဖွဲ့သည် လာမည့် ရက်သတ္တပတ်အတွင်း ရုရှားနိုင်ငံသို့ သွားရောက်ကာ လက်မှတ်ရေးထိုးမည်ဖြစ်ကြောင်း အီရန်ကာကွယ်ရေး

ဝန်ကြီးက ပြောကြားသည်။

ယခုနှစ် ဇူလိုင်လအတွင်းက အီရန်နှင့် အနောက်အင်အားကြီးနိုင်ငံခြောက်နိုင်ငံအကြား အီရန်၏ နျူကလီးယား အစီအစဉ်အား ကန့်သတ်ရန်နှင့် အီရန်အပေါ် အရေးယူဒဏ်ခတ်မှုများ ပယ်ဖျက်ပေးရန် သဘောတူညီမှု
ရရှိခဲ့ပြီးနောက် ယင်း ဒုံးကျည်စနစ် အရောင်းအ၀ယ် သဘောတူညီချက် ထွက်ပေါ်လာခြင်း ဖြစ်သည်။

S 300 အမျိုးအစား ဒုံးကျည်စနစ်ကို စစ်အေးခေတ်တင်းမာမှု အမြင့်ဆုံးအချိန်ဖြစ်သည့် ၁၉၇၉ ခုနှစ်တွင် ပထမဆုံး ဖြန့်ကြက်ခဲ့သည်။ ယင်းဒုံးကျည်စနစ်သည် လေကြောင်းရန်ကာကွယ်ရေးစနစ် မြင့်မားသော ဒုံးကျည်စနစ်ဖြစ်သည်။

Ref: Shinhwa news / The Mirror

Find us on facebook MFM